Me raste të shumta por me rrjeta të paprekura ka përfunduar derbi midis Tiranës dhe Partizanit e vlefshme për javën e 24-të të Kategorisë Superiore.
Të dy fraksionet e lojës kanë qenë me “fytyra” të ndryshme për të dy ekipet ku në pjesën e parë të lojë ishin bardheblutë dominues me raste më të shumta për gol, ndërsa në pjesën e dytë dominuan të kuqtë e Skënder Gegës të cilët e morën veten ku në minutën e ’80 patën një mundësi ideale me anë të një goditje nga Bruno Telushi në hyrje të zonës por shtylla i mohoi golin.
Tirana duket se nuk po e thyen mallkimin e derbit ku kanë 5 vjet që nuk fitojnë kundër Partizanit.
Pas kësaj ndeshje, “demat” shkojnë në kuotën e 50 pikëve ku javën e ardhshme do të presin në “Selman Stërmasi” Teutën, ndërsa Tirana në kuotën e 29 pikëve dhe javën e ardhshme do të luajë në transfertë kundër Kastriotit.
KATEGORIA SUPERIORE – JAVA 24
Stadiumi “Selman Stërmasi”, Tiranë
TIRANA – PARTIZANI 0-0
Tirana: Abibi – Kërçiku, Turtulli, Imami, Hoxhallari – Mauexhe, Karabeci, Hasani – Kobina (Doka 73′), Greca, Ngo. Trajner: Ardian Mema
Partizani: Hoxha – Ibrahimi, Atanda, Belica, Idrizaj – Telushi, Mala – Asani, Duka (Rexhepi 46′), Mensah (Hebaj 68′) – Bardhi. Trajner: Skënder Gega
Gjyqtarë: Enea Jorgji, Dojando Myftari, Nertil Bregasi, Astrit Mahmuti; Gjyqtar–ë/e linje: Juxhin Xhaja, Emanuela Rusta Delegat: Marjus Sulejmani
