Pas Greqisë, Shqipërisë, Sllovenisë dhe Bullgarisë, Kroacia është shteti i radhës që ka votuar pro Maqedonisë së Veriut në NATO.
Me rezultatin e votimit 116 pro dhe 2 kundër, parlamenti kroat ka miratuar protokolin për antarësimin e Maqedonisë së Veriut në NATO. Sikurse kanë bërë të ditur mediat kroate votimi u zhvillua me prezencë të delegacionit të lartë shtetëror maqedonas.
Kryeparlamentari kroat Gordan Jandrokoviq, tha në fjalën e tij se qeveria e Kroacisë do të vazhdojë të mbështesë Maqedoninë në rrugën drejt anëtarësimit në BE.
“E përgëzoj Republikën e Maqedonisë së Veriut për anëtarësimin në NATO dhe mund të ju them në emër të deputetëve që mbështetën vendimin e sotëm se Republika e Kroacisë do t’ju mbështesë në rrugën drejt BE-së”,- u shpreh ai.
