Gjykata e Krimeve të Rënda të Barit në Itali ka dënuar me burgim të përjetshëm 30-vjeçarin shqiptar Ogert Laska, për vrasjen e piktores 71-vjeçare Radicci Rosa Maria, e ekzekutuar në shtëpinë e saj në Palese (Bari) më 13 Nëntor 2016. Lajmin e bëjnë të ditur këtë të premte mediat italiane, që raportojnë se Laska qëndroi në heshtje gjatë seancës gjyqësore.
HETIMET
Olgert Laska u arrestua nga efektivët e policisë disa ditë pas krimit.
Sipas dosjes hetimore të prokurorisë, gruaja u mbyt me duar nga shqiptari, i cili ka punuar në picerinë e djalit të viktimës, ku lante pjata.
I riu është pushuar nga puna në fund të gushtit 2016 dhe për hetuesit, është pikërisht kjo arsyeja ai ka vrarë të ëmën e ish shefit të tij për tu hakmarrë. Pasi u arrestua, ai i rrëfeu krimin shokut të qelisë, i cili i dërgoi një letër autoriteteve italiane, duke u shpjeguar tregimin e shqiptarit.
Por, Olgert Laska ka refuzuar gjithmonë akuzat që rëndojnë ndaj tij, duke u shprehur se nuk ka gisht në vrasjen e 71-vjeçares.
Më mesin e provave, prokuroria posedon edhe pamje filmike të marra nga kamerat e zonës, në të cilat shquhet shqiptari në shëtitoren buzë detit, ku ndodhet edhe banesa e viktimës. Ai shihet duke mbërritur në zonë me biçikletë në orën 12:37 të 13 nëntorit.
Imazhet tregojnë se Laska i afrohet shpesh portës, dhe prania e shqiptarit ishte vënë re nga vizitorët në një bar aty pranë.
Kur ka parë të kalonte një patrullë karabinierësh, është fshehur mes shkëmbinjve. Më pas, në 14:19 zhduket nga pamjet e kamerave dhe në 15:10 filmohet sërish, teksa me biçikletë, niset në drejtim të Barit.
Sipas hetuesve, në hapësirën kur shqiptari nuk shfaqet në kamera, ka kryer vrasjen.
Portën, Olgeritit mund t’ia ketë hapur vetë gruaja e cila njihej me të dyshuarin, pasi ky i fundit i bënte shpesh pazaret në të shkuarën dhe punët e kopshtarisë. /Boldnews.al/
