Claudia Guffanti është vetëm 38 vjeç dhe në 17 vite martesë ka sjellë në jetë 11 fëmijë.
Më e vogla, Giuditta, vetëm pak ditë më parë ndërsa 10 të tjerët janë të moshës 2-16 vjeç. Në shtëpinë e çiftit që jeton në Valle Intelvi, në Como, tashmë po rriten katër vajza dhe shtatë djem. Të lindur në 17 vite martesë.
Claudia i është dedikuar fëmijëve duke bërë nënën “me kohë të plotë”, ndërsa bashkëshorti i saj, 41-vjeçari Diego Pianarosa, është konsulent informatike.
“Është një lumturi e madhe t’i shoh të gjithë bashkë të ulur në tavolinë kur hamë”, thotë 38-vjeçarja për Corriere della Sera. Unë dhe bashkëshorti im e marrim jetën si një dhuratë dhe nuk bëjmë llogari”.
Por një llogari në të vërtetë duhet bërë, duke marrë parasysh se nëna-rekordmene në Itali është vetëm 38 vjeç.
“Nuk do ndalojmë me kaq”, thotë gruaja, duke premtuar të tjerë fëmijë në vendin që vuan nga kriza e lindshmërisë.
Teksa mesatarja e lindjeve për një grua është vetëm 1,34 fëmijë, Claudia deri tani vlen sa për dhjetë.
Dhe nuk ka mbaruar akoma. /AFP/
