Prokuroria e Krimeve të Rënda ka çuar për gjykim dosjen në ngarkim të ish-ministrit të Brendshëm Saimir Tahiri, i cili akuzohet se ka favorizuar “Habilajt” në trafikun e drogës.
Ai akuzohet për: Trafikimin e narkotikëve të kryer në bashkëpunim, në formë të posaçme të grupit të strukturuar kriminal, si edhe korrupsionin pasiv të funksionarëve të lartë shtetëror.
Ish-ministri është paraqitur në gjykata këtë të enjte për tu njohur me akuzat.
Lëvizja e prokurorisë vjen pas vendimit të gjykatës që pranoi apelimin e Tahirit, për të mos zgjatur hetimet.
Kujtojmë se prokuroria kërkoi shtyrjen e hetimeve për ish-ministrin për të mbledhur prova të reja ndaj ish-ministrit të Brendshëm. Pas kërkesës, erdhi apelimi nga ana e avokatëve mbrojtjes së Tahirit dhe gjykata vendosi në favor të ish-ministrit, duke i dhënë prokurorisë dy mundësi: Të shuajë hetimet ose të dërgojë dosjen në gjykim. /BN/
