Ka ndërruar jetë i moshuari në Vlorë, i cili mbrëmjen e djeshme u dhunua.
Mësohet se 69-vjeçari me iniciale V.K. ka ndërruar jetë në spitalin e Vlorës, duke mos i rezistuar plagëve që kishte marrë në kokë.
“Më datë 27.02.2019, rreth orës 20:40 është dërguar për ndihmë mjekësore në Spitalin Rajonal Vlorë i moshuari 69 vjeçar V. K., i cili është konstatuar nga nipi i tij me dëmtime në kokë ende të pa përcaktuara se nga janë shkaktuar. Grupi hetimor ndodhet në vendngjarje ku vijon punën për zbardhjen dhe sqarimin e rrethanave të ngjarjes”, njoftoi Policia.
Hetuesit më pas zbuluan se ishte pikërisht nipi i të moshuarit që kishte inskenuar grabitjen dhe se ishte ai autori i vrasjes. /BN/
