“Gjyshi më nxinte jetën, me stresonte dhe nuk e duroja dot”. Kjo është dëshmia e nipit, i cili vrau me plumb në kokë gjyshin në Vlorë mbrëmjen e djeshme.
Ishte i riu i cili pas krimit e transportoi në spital në gjendje të rëndë gjyshin, 69-vjeçarin Vangjel Kapllani, pas plagosjes me armë zjarri. Përveç kësaj, dyshohet se 17-vjeçari e ka qëlluar edhe me qytën e pistoletës pas koke.
Pas marrjes së dëshmisë së të riut dhe hetimeve të para, u dyshua se kishim të bëjmë me një grabitje. “Rreth orës 20:40 është dërguar për ndihmë mjekësorë në Spitalin Rajonal Vlorë i moshuari 69 vjeçar V.K, i cili është konstatuar nga nipi i tij me dëmtime në kokë ende të pa përcaktuara se nga janë shkaktuar. Grupi hetimor ndodhet në vendngjarje ku vijon punën për zbardhjen dhe sqarimin e rrethanave të ngjarjes”, njoftoi një ditë më parë policia.
Dëshmia e 17-vjeçarit, i cili tha se vajti në banesë dhe e gjeti gjyshin të plagosur, e më tej se i ishin grabitur 1 milion lekë të vjetra. Pra, duke treguar detaje, që e kthyen atë në të dyshuarin e krimit. Më pas, pas disa orë marrjeje në pyetje, i riu ka pranuar se ishte ai që kreu krimin.
Sipas hetuesve, ka dyshime se nipi ka tentuar ti vjedhë para gjyshit. Ky i fundit e ka pikasur dhe nipi e ka goditur.“Gjyshi më nxinte jetën, me stresonte dhe nuk e duroja dot”, mësohet të jetë shprehur mes të tjerash, në dëshminë e tij në polici.
Këtë të enjte, i moshuari dërgoi ndërroi jetë në spitalin Rajonal të Vlorë, ndërkohë që familja ka hapur dyert e mortit.
69-vjeçari jetonte me nipin në lagjen “Rilindja” në Vlorë, ku ndodhi edhe krimi.
/Boldnews.al/
