Krye opozitari Lulzim Basha është treguar i prerë në reagimin e tij pas konferencës për mediat të delegacionit të komisionit të Jashtëm të Parlamentit Europian, që zhvilloi takime me aktorët politikë në vend.
“Shkodranët i kanë prirë për 3 dekada rrugës drejt Europës dhe do ti prinë edhe këtij rrugëtimi final, i cili ka dhe do ketë vetëm një përfundim çuarja para drejtësisë e atyre që vodhën zgjedhjet, qeveri tranzitore pa Edi Rama, zgjedhje tranzitore me një parlament të ndershëm për popullin, nga populli dhe për popullin”, tha Basha nga Shkodra.
“Kemi tre dekada që udhëtojmë drejt Europës. Është një udhëtim i dhimbshëm, por do ta çojë Shqipërojnë drejt mirëqenies, dinjitetit zhvillimit, është rruga e duhur për shqiptarët. Në këtë rrugëtim është radha jonë të bëjmë një sakrificë, sepse qëndrojmë për vlerat e Europës. E bëjmë sepse është e domosdoshme për të zhbllokuar rrugën e Europës nga pengesat që janë vënë në këto 5 vite. Rrugën drejt Europës e pengon krimi dhe korrupsioni, ortakëllëku me krimin e organizuar. Të gjithë në Shqipëri e dinë këtë dhe në botë po e dëgjojnë, detyra jonë është të shpalosin të vërteta dhe faktet që i ka helmuar propaganda e Ramës. E vëretta dhe faktet të çojnë në Europë” , u shpreh ai.
