Mëngjesin e sotëm qyteti i Lezhës është terrorizuar nga një breshëri armësh.
Mësohet se është qëlluar në drejtim të një automjeti të punonjësit të bashkisë.
Në automjet ishin dy persona , shënjestra e atentatit ka qenë Mirel Ndoka, i cili është punonjës INUV në Lezhë.
Në mjet bashkë me Ndokën ka qenë edhe Edmond Mëhidhaj , punonjës i njësisë administrativë ne në Zejmen.
Njoftimi i policisë:
Sot, rreth orës 09:50, në autostradën Lezhë – Milot, pranë fshatit Tresh është qëlluar me armë zjarri në drejtim të një mjeti ku udhetonin 2 shtetas, nga persona të paidentifikuar nga një mjet tjeter.
Nuk ka asnjë person te lenduar, por vetëm dëme materiale.
Grupi hetimor është në vendngjarje dhe forcat policore po kryejnë të gjitha veprimet për zbardhjen rrethanave dhe ndalimin e autorëve.
Janë shoqëruar disa persona, dëshmitarë okularë, ndersa po kontrollohen kamerat prane vendngjarjes si dhe janë ngritur pika kontrolli.
