Kreu i opozitës Lulzim Basha, është ndalur të flasë para gazetarëve pas takimit me përfaqësuesit e BE-së. Ai tha se u ka bërë të qartë ndërkombëtarëve situatën e vështirë në të cilën ndodhet vendi.
Ai tha se nuk ka dhe nuk ka për të pasur më një marrëveshje të dytë mes tij dhe Edi Ramës, dhe e vetmja zgjidhje do të jetë qeveria teknike.
‘Nuk ka asnjë komunikimi mes meje dhe Edi Ramës. I vetmi komunikim është ai me qytetarët. Nuk do të ketë një 2017-të tjetër me Edi Ramën. Edi Rama e shndërroi 2017-n në një ‘Dosje 339’. Sot tepsia është në duart e Edi Ramës dhe krimit të organizuar. E vetmja zgjidhje teknike do të jetë ajo me një qeveri teknike dhe jo me Ramën kryeministër’, u shpreh Basha.
