Dy persona janë vënë në pranga nga policia e Tiranës, për vrasjen e Lirie Xhepës, ngjarje e ndodhur më 13 shkurt, pranë kodrave të liqenit të Sharrës, në periferi të Tiranës.
Dashamir Xhepa, kunati i viktimës, është vënë në pranga si ekzekutor. I arrestuari tjetër është Mensut Sula, i akuzuar se strehoi në banesë autorin e dyshyar pas krimit. Pas krimit, Xhepa kishte shkuar në Peshkopui, ku strehohej pikërisht në banesën e Sulës, i vënë në pranga për akuzën “Përkrahje të autorit të krimit”.
“Në sajë të informacioneve të marra në rrugë operative shërbimet e Policisë lokalizuan vendodhjen e autorit të dyshuar, shtetasit D. Xh., dhe bënë kapjen dhe arrestimin e tij në qytetin e Peshkopisë ku dhe strehoej. Gjithashtu u arrestua dhe shtetasi M. S., për ‘Përkrahje të autorit të krimit’, i cili ka ndihmuar dhe strehuar autorin e dyshuar”, njoftoi zyrtarisht Policia.
Materialet i kaluan Prokurorisë së Rrethit Gjyqësor Tiranë, për veprat penale “Vrasje për shkak të marrëdhënieve familjare”, “Armëmbajtje pa leje”, në ngarkim të shtetasit Dashamir Xhepa dhe për veprën penale “Përkrahje e autorit të krimit”, në ngarkim të shtetasit Mensul Sula, shtuan të njëjtat burime. /Boldnews.al/
‘Krimi i pasionit’/ Vrasja e paralajmëruar që mund të ndalohej. Historia e plotë…
