Gazetari i Fax News Shpëtim Zinxhiria është përballur sot me një sjellje skandaloze të punonjësve të Ambasadës shqiptare në Greiq.
Teksa ishte paraqitur për të kërkuar informacion, lidhur me vjedhjen e pasaportave të qytetarëve shqiptarë që jetojnë dhe punojnë në Greqi, gazetari është lënë për më shumë se 45 minuta në pritje nga ana e ambasadës.
Dhe sikur të mos mjaftonte me kaq persona të paidentifikuar, i kanë kërkuar atij që të largohet nga ambientet e ambasadës, pavarësisht se është detyrim i tyre për dhënien e informacionit.
“Kam 45 minuta që pres që të marr informacion në Ambasadën Shqiptare dhe nuk më pret asnjë njeri. Kjo është ambasada jonë, që nuk presin median dhe qytetarët. Ambasada ka vënë gardianë, me mori telefonin nga dora dhe nuk pranon që të më thojë se kush është, dhe nuk më jep as mjetin e identifikimit”, u shpreh Zinxhiria, teksa ishte duke e transmetuar gjithçka live në Fax News.
Personi i paidentifikuar insiston në drejtim të gazetarit me fjalët: Dil jashtë, dil përjashta!
Kujtojmë se rreth një javë më parë dhjetra pasaporta të qytetarëve shqiptarë u vodhën nga makina e një diplomati shqiptar në Greqi, pasi ishin bllokuar më herët në doganën e Kakavijës, për shkak se ishin nisur me çanta rrobash, dhe pa asnjë vulë dhe element sigurie.
