Gjithsej 326 anëtarë të forcave të armatosura të Venezuelës kanë dezertuar, duke vajtur në Kolumbi që prej të shtunës, në një situatë të tensionuar në kufirin e bllokuar për të penguar hyrjen e ndihmave humanitare, sipas një bilanci të shërbimeve migratore kolumbiane.
“Shumica e këtyre ushtarakëve dhe policëve kanë kaluar kufirin në departamentin Norte de Santander, me kryeqendër Kukutan”, deklaroi ky institucion në një komunikatë.
Drejtori i shërbimeve të migracionit, Christian Kruger, theksoi se “ata ishin arratisur nga diktatura e presidentit Nicolas Maduro, në kërkim të ushqimeve për shkak të mangësive në vend”.
