Në indonezi kanë gjetur zgjidhje sesi të luftojnë smogun e lartë të shkaktuar nga zjarret në pyje ku u mbyllën dhe shkollat në ishullin e Sumatrës.
Ushtria indoneziane ka përdorur aeroplanët ushtarakë për të krijuar shi artificial për të pastruar ajrin e ndotur.
“Aeroplani mund të mbajë tonelata kripë për t’u përdorur në ‘mbjelljen’ e reve”, tha Edwar Sanger, kreu i agjencisë për mbrojtjen civile në provincën Riau në Sumatra.
Dukshmëria në nën-qarkun e Rupat ishte aq e ulët se 100 metra.
Zjarret në pyje janë rrezik i përvitshëm në Indonezi dhe mjegulla e krijuar nga tymi ndikon shpesh edhe në Singaporin fqinj, Malajzi dhe Tajlandë, duke shkaktuar ndotjen e ajrit në nivele të rrezikshme.
Një studim nga universitetet e Harvardit dhe Columbia zbuloi se më shumë se 100,000 njerëz në Azinë Juglindore mund të kenë vdekur para kohe në 2015 si rezultat i zjarreve në pyje në Indonezi.
Hulumtimi i atribuoi vdekjet e parakohshme për shkak të thithjes së sasive të larta të grimcave me bazë karbonin.
