TGCOM24 raporton se një sherr masiv ka ndodhur në Udine, ku njëzet e pesë të mitur janë përleshur me njëri-tjetërin. Nga 25, 12 prej tyre janë nga Shqipëria dhe Kosova ndërsa pjesa tjetër nga Pakistani.
Përplasja fizike e të rinjve ka ndodhur në qendrën e pritjes në Cividale del Friuli.
TGCOM24 shkruan se të paktën 80 djem janë përfshirë në këtë mosmarrveshje, në oborrin e qendrës së pritjes për të miturit e pashoqëruar.
Zënka ka ardhur si rrjedhojë e disa fyerjeve etnike midis të rinjve që iu përkasin grupmoshave të ndryshme. Në këtë zënkë kanë sulmuar njëri-tjetërin me tuba metalikë dhe armë të ftohta si thika.
