Ish-deputetja Grida Duma e ftuar në “360 Gradë” në Ora News tha se kryeministri Rama po i afrohet një realitetiti që nuk e shmang dot pasi diçka do të ndodhë nga dosja 339 dhe se sot jemi në elementet e para të dhënies së efektit se çfarë do të thotë kur opozita reale ndodhet dhe ndërton istitutcionin e opozitës jashtë institucioneve formale.
“Nëse ka një të vërtetë për atë që thotë Basha për arrestimin e Dakos është eksaktësisht reagimi i Ramës. Rama në momentin kur thotë mos replikoni, si rrallëherë, vendos të heshtë. Ai e di shumë mirë që për çdo gjë që mund të ketë një çengel për tu kapur, gjëja e parë që bën është komunikon. Dhe si njohëse e komunikimit, unë e kuptoj menjëherë se çfarë do të thotë kur ai e ndalon gjoja komunikimin të tjerëve dhe thotë që këtë komunikim të nivelit më të lartë të rrezikshmërisë, i cili ve në dyshim absolutisht gjithë statu kuanë e qeverisë Rama, do ta bëj vetëm unë në fakt, këtë është duke thënë ai. Dhe momentin që i thotë heshtni është duke thënë që askush tjetër nuk ka të drejtë dhe nuk ka mundësi profesionale për ta mbrojtur në këtë moment të rrezikshëm këtë ngjarje që pritet të ndodhë.
Në momentin që ai po i afrohet një realiteti që nuk e shmang dot, se diçka do të ndodhë nga dosja 339, por sepse tashmë padyshim që një pjesë e efekteve të reformës në drejtësi që është njëra gjë, por mbi të gjitha dhe radikalizimi i aksioneve të opozitës, janë presione të mëdha që kjo reformë të fillojë të lëvizë edhe e kushtëzuar nga radikalizimi i aksionit të opozitës sepse ne po e kuptojmë qartazi që jemi duke ngritur një institucion jashtë institucioneve jo funksionale.
Ajo që vihej në dyshim që radikalizimi i këtij aksioni të opozitës do të sillte efekte apo jo, unë mendoj që sot jemi në elementet e para të dhënies së efektit se çfarë do të thotë kur opozita reale ndodhet dhe ndërton istitutcionin e opozitës jashtë institucioneve formale.”
Me tej ajo shtoi se reforma në drejtësi është duke u përdorur si Kali i Trojës nga kryeministri Rama.
“Në fakt, reforma në drejtësi po përdoret si Kali i Trojës nga Rama. E ka nisur që në vitin 2013, që ne do të jemi prurësi dhe ringjallja, riardhja dhe do të sjellim drejtësi në këtë vend. Ngjarja më e trishtë ka qenë mos dhënia drejtësi për 21 Janarin. Dhe është duke e përdorur reformën në drejtësi i Kali i Trojës. Në kuptimin që është duke e përdorur totalisht atë për vete.”
