Pedagogu Mark Marku tha në Opinion se Fatmir Xhafaj u shkarkua nga detyra e ministrit të Brendshëm për të mos lejuar arrestimin e Vangjush Dakos.
Marku tha se problemi nuk qëndron nëse arrestohet Dako apo dy, tre njerëz të tjerë, por pse nuk është hetuar deri më tani krimi elektoral që ka ndodhur në Durrës.
“Nga përgjimet rezultoi se një grup i fuqishëm kriminal kishte lidhje me Dakon. Kjo tregon kapjen e shtetit nga krimi. Pse nuk është hetuar deri më tani? Në 2013 Rama futi kriminelët në Kuvend, ndërsa në 2017 i fitoi me paratë e kanabisit dhe grupet kriminale. Tani të presim se çdo të bëjë në mandatin e 3-të. Kjo çështje është mbuluar që mos zbulohet kalbja e sistemit”, tha Marku.
