Debate janë shënuar në emisionin “360 gardë” mes gazetarit Basir Çollaku dhe ish-kreut të SHISH Fatos Klosi.
“Je i vogël fare, je profesionist në ça gjëra të shëmtuara”, iu drejtua Klosi-gazetarit. Akuzë personale kjo që solli kundërpërgjigjen e gazetarit Çollaku, i cili e akuzoi se ka “ka bërë gjëra të shmëtuara”.
“Gjërat e shëmtuara i ke bërë ti në këtë të vend. Ta publikoj si dosje? Je përfshirë në histori elektorale me partitë”, tha Çollaku.
Pjesë nga debati
Klosi: Dëgjova kryetarin e PD që tha do ta arrestojnë. Nuk është hera e parë. Më duket e paarsyeshme që një kryetar partie del dhe thotë çfarë po bën prokuroria. Nëse ai do të arrestohet sot, nesër do ta japin të gjithë agjencitë e lajmeve që është arrestuar. Mos na bëj lojëra këtu.
Çollaku: Ti je përfshirë vetë në fushatë elektorale. Ke arkivin tënd. Ke bërë atë që nuk duhej bërë.
Klosi: Je i vogël fare të më gjykosh ti mua. Je i profesionalist në disa gjëra të vogla. Ti mbahesh në biseda televizive si ekspert i madh.
Çollaku: Kam qenë në KQZ bashkëkryetar me atë tuajin. E kupton që po flet broçkulla. Shefi i Shërbimit në asnjë vend në planet nuk del për të bërë temena nëpër emisione. Në 25 vjet nuk duhet të flasë. Ka qenë në një detyrë të rëndësishme shtetërore.
Klosi: Me këtë gjuhë nuk më tremb. As shefat e tu nuk më trembin.
Debati mes gazetarit Basir Çollaku dhe Fatos Klosit, ish-kreut të SHISH
/Boldnews.al/
