Shtëpia më e shtrenjtë në botë është vendosur në shitje në jug të Francës me një çmim prej 1 miliard euro . Villa ‘’Les Cèdres’’, është ndërtuar rreth vitit 1830 dhe dikur ka qënë shtëpia e Mbretit Leopold II të Belgjikës. Kjo vilë ndodhet në qytetin e Saint-Jean-Cap-Ferrat, pranë Nice.
Sipas Daily Mail, pronari aktual i pronës me 10 dhoma gjumi, e cila ka një pishinë me madhësi olimpike, është Suzanne Marnier-Lapostolle, dhe po e ‘braktis’ këtë shtëpi pasi po kërkon diçka më të vogël.
Prona zotëron 35 hektarë lëndinë , një sallë ballosh dhe stalla me kapacitet deri në 30 kuaj.
