Punëtorët e një dige mbi lumin Parnu në Estoni janë turrur në lumin e ngrirë për të nxjerrë një qen që po kalonte në koma nga temperaturat e akullta.
Ata kanë çarë një shteg përmes akullit për të arritur tek kafsha, e kanë nxjerrë dhe e kanë transportuar me makinë drejt një klinike veterinare, duke u munduar ta ngrohin gjatë rrugës.
“Ai ishte i qetë, fjeti në këmbët e mia. Kur zgjata pak këmbët, ai ngriti kokën për një moment”, tha Rando Kartsepp, një nga punëtorët që solli kafshën në klinikë.
Kafsha kishte tension shumë të ulët kur arriti në klinikë.
Veterineri ia doli t’i shpëtojë jetën, por nuk ishte i bindur se bëhej fjalë vërtet për një qen.
Një gjuetar i vjetër i zonës konfirmoi se në të vërtetë kafsha ishte një ujk i ri, i moshës njëvjeçare.
Stafi i klinikës vendosi të vinte ujkun në një kafaz pas trajtimit, për tub evituar problemet nëse kafsha do të egërsohej pasi të merrte veten.
