“Për dosjen 339 vazhdojnë hetimet”. Kështu shprehet zyrtarisht Prokuroria e Përgjithshme, e cila konfirmon se gjithashtu po hetohet veprimtaria e Kryebashkiakut të Durrësit, Vangjush Dako. Në një reagim zyrtar lidhur me përgjimet e publikuara përsa i takon zgjedhjeve në qarkun e Durrësit, Prokuroria e Përgjithshme thekson se hetimet vazhdojnë me intensitet të lartë.
Në reagimin e Prokurorisë nuk sqarohet nëse Vangjush Dako është marrë nën hetim, apo ai është përfshirë nën hetim referuar përgjimeve që janë kryer.
Në hetimin për dosjen 339 janë angazhuar 10 oficerë të policisë gjyqësore dhe dy pakurorë.
Më herët gjatë kësaj të hënë, kryeopozitari Lulzim Basha lajmroi arrestimin e kryebashkiakut të Durrësit, Vangjush Dako.
“Ajo që dua të ndaj me ju një paralajmërim i qartë dhe i prerë për Edi Ramën. Asnjë përpjekje fasadë nuk e shpëton nga përgjegjësia ligjore që ka. Është kapur duke vjedhur zgjedhje me bandat. Orët e fundit janë intensifikuar me lajme se po përgatitet arrestimi i Vangjush Dakos. Dosja 339 faktoi se ai dhe zyrtarë të tjerë janë kapur duke vjedhur vota”, deklaroi Basha për gazetarët në dalje të selisë së PD-së. /BN/
