Tjetër mesazh intrigues i Wanda Nara, bashkëshortes dhe menaxheres së sulmuesit të Interit, Mauro Icardi, postuar mëngjesin e së dielës në rrjetet sociale. Bashkë me një foto provokuese të postuar në “Instagram”, Wanda Nara shkruan:
“Me një gënjeshtër mund të shkosh larg, por pa patur asnjë shpresë për t’u rikthyer pas”. Mediat italiane i referohen polemikave të fundit që sulmuesi argjentinas ka me klubin zikaltër.
Inter i ka hequr Icardit shiritin e kapitenit, ndërkohë që prej 2 javësh ai nuk ka zbritur më në fushë, duke deklaruar se është duke rikuperuar nga disa probleme fizike. 24 orë më parë, klubi zikaltër i propozoi një kontratë të re Icardit, por që mësohet se është refuzuar prej tij.
