Nga Boldnews.al
E dielë, pushim zyrtar, Lali Eri punon, pas vetes si dekor ka një skrep me matrapik të gjatë… Shumë pushtetarë kushedi ku po “masakrojnë” ndonjë peshk e mish gici, por kjo nuk i bën përshtypje Erionit, djalit të qytetit tonë, spiderman-it, që prish e ngre.
Lali Eri sot përveshi mëngët dhe u bë dëshmitar vetë kur një skrep rrënoi godinën e “Hotel Minirit” në Tiranë. Eveniment i madh, lidhje direkte e televizionit kombëtar “Top Channel”… E ku ka kronikë më të “goditur” dhe më shumë mund për tia arritur sesa të kesh kryebashkiakun e Tiranës në televizion, sepse Eri shfaqet rrallë e përmallë në mediat vizive…
Kronikë kryesore në kulmin e lajmëve, tre minuta e gjatë. Duhet shfrytëzuar ky rast, Lalin më në fund e “kapën” mediat vizive dhe jo kalimthi, por direct në intervistë… “Ajo që ka ndodhur është që në mandatin Edi Ramës si Kryetar Bashkie është pastruar 90 % e territorit nga ndërtimet pa leje, ndërkohë pas qeverisë që erdhi më vonë shumë ndëtresa pa leje janë legalizuar. Janë legalizuar ndërtime pa leje ngjitur me “Sahatin e Tiranë”, që në fakt u prishën një javë më parë”-tha ndër të tjera Veliaj. Gjashtë herë përmendi fjalën “prishje”, katër herë kulla e hotele me 4-5 yje, dy herë “çiban” dhe shumë fjalë të tjera punë…
Tirana “vuan” nga mungesa e kullave, shumëkatëshe. Janë ndërtuar e pritet të ndërtohen deri tani 12 të tilla, por janë pak për kërkesat që kanë oligarkët dhe detyra e “shërbëtorit” të kryeqytetit, Lali Erit është që tu japë mundësi një grushti ndërtuesish ta betonizojnë mirë kryeqytetin, në garë se kush e zë më shumë diellin nga katet e shumta të kullave.
“Duhet të shtrytëzojnë edhe nëntokën edhe mbitokën. Do kemi tre katër hotele me katër dhe pesë yje. Duke filluar në qendër të Tiranës, ku nis me zonën pas Hotel Tiranës, pas Bashkisë dhe pas Kishës Ortodokse, në mënyrë që kur të vijnë turistët të kenë ku të akomodohen”-tha vetë Erion Veliaj.
E jashtëzakonshme kronika, lidhja direkte dhe pyetjet që vinin nga studio. Kanë harruar ti vendosin një logo me shënimin “Ekskluzive”, por kjo mund tu falet drejtuesve të Top Channel, pasi emocionet në raste të tilla bëjnë punën e tyre, ndonëse profesionalizmi është i pamohueshëm tek ta, fakti që arritën më në fund të marrin Velijn në lidhje direkte është eveniment i rrallë për televizionet tona.
Gjithë lajme ishte pronocimi i Lali Erit. Ai përmendi edhe faktin që një ndërtim njëkatësh me xhama, nja 60 metra katrorë ia kishte “zënë frymën” Kullës së Sahatit, por me inciativën e tij e prishën para një jave. E pas prishjes, një zjarr e shkrumboi çfarë kishte mbetur.
Nuk mund të lejonte kurrsesi Eri që sahatit t’i zihej fryma nga bari një katëshe, ndaj ka vendosur që mu bash në brinjë të objektit kulturor, që personifikon kryeqytetit, të ndërtohet një kullë me 24 kate… Ajo është zhvillim. Megjithatë, bravo e madh për “Top Channel”, aritët ta keni Lali Erin në kronikat e lajmeve, madje drejtëpërdrejtë! Sukses mediatik që mund të “shërbejë” në leksionet e gazetarisë. Kulla, prishje, matrapik dhe kronikë me Lalin brenda.
