Për deputetin e zgjedhur në Lushnje Myslym Murrizi, parimet “anglosaksone” të shkollës Cambridge, apo Oxford, nuk mund t’i shkilte dhe si proamerikan i sprovuar, nuk pranoi të djegë mandatin e deputetit. Kjo nismë e mirëmenduar me ofiqe në horizont për të, i solli përjeshtimin nga PD Murrizit, personazhit të rëndësishëm politik.
Me largimin e tij PD nuk ka humbur kohë por sot zgjodhi kryetari i ri i kësaj force politike në Lushnje. Ai është Daut Sula dhe u prezantuar ditën e djeshme nga Enkelejd Alibeaj.
“Lënia e mandateve është akt i fundit politik. Ne i lamë mandatet për të vendosur qeverinë para popullit. Zëri i amerikës e tha se këtu zgjedhjet i bënë krimi”, -është shprehur Alibeaj
E gjithë kjo lëvizje ishte e kushtëzuar pasi Murrizi, ndonëse kishte votuar në mbledhjen e Grupit Parlamentar për djegien e mandateve, një ditë më pas ndryshoi mendim. Ai refuzoi të djegë mandatin dhe zuri hapësira të shumta madiatike për qëndrimin e tij.
Me një fjalor të “përgjedhur” dhe qëndrime të theksuara të një politikani të “sprovuar”, Murrizi argumentoi se ishte nga ata persona që i përkiste brezit të viteve 90’ që luftuan për liri dhe demokraci dhe mbi të gjitha ka për etalon SHBA-në, ndaj për hir të Amerikës linte PD-në e Lushnjen bashkë…
Gjithsesi përflitet për lidhje të tij me biznesmenë të majtë, ndaj mund të jetë koha që krahas politikës, si një zë që “tund Parlamentin”, të shohë edhe pjesën finaciare. Në këtë vorbull është edhe kryebashkiaku Erion Veliaj, i cili ka hedhur prej disa ditësh grepat për të joshur çdo personazh të opozitës që del kundër djegies së mandateve.
