Kategoria Superiore mbylli ditën e sotme javën e saj të 23-të, dhe tabela e klasifikimit ka sërish lëvizje.
Partizani mbetet i pari, me 49 pikë, ndërsa vendin e dytë e merr Kukësi, me 41 pikë.
Teuta rrëshqet e treta, me 39 pikë, teksa pasi u mund në fushën e Luftëtarit, i dorëzon kështu vendin ekipit të Cungut. Laçi në vendin e katërt, me 33 pikë.
Vendi i pestë dhe i gjashtë, për Skënderbeun dhe Flamurtarin, me pikë të barabarta, nga 33.
Të dyja ekipet shohin Tiranën teksa afrohet. Bardheblutë pas fitores në Korçë, shkojnë në kuotën e 28 pikëve, në vendin e shtatë, ndërkohë që Luftëtari një pozicion më poshtë, me 25 pikë.
Tabela e klasifikimit mbyllet me Kastriotin dhe Kamzën. Ekipi i Devollit numëron 20 pikë, ndërsa Kamza e fundit, me 16 pikë.
