Pavarësisht se u mundua ta mbajë lidhjen larg syrit të publikut, Erik Fullani u dorëzua kur në maj të 2018-s na prezantoi me të dashurën e tij.
Ai i uronte edhe 100 vite të lumtura dashurisë së tij, vajzës bjonde bukuroshe, e cila më pas nuk mbeti më misterioze.
Ajo quhej Maria Chiara dhe Eriku u kujdes që të publikonte shpesh herë foto me të nga momentet që ndanin bashkë.
Por së fundi pamë që djali i ish-Guvernatorit të Bankës së Shqipërisë i ka dhënë fund lidhjes me Maria Chiara-n, pasi të dy nuk ndiqen më në Instagram.
Të tjera postime interesante nga Roma e Italisë na ngjallën dyshimet se Eriku mund të jetë i lidhur me vajzën e ish-deputetes Majlinda Bregu.
Në fotot e publikuara nga “Intv” nga story-t e tyre në Instagram vumë re se Eriku dhe Kejda kanë vizituar të njëjtat vende përfshi këtu edhe shatërvanin e famshëm “Fontana Di Trevi” ku shkojnë shumë çifte të dashuruar.
Eriku dhe Kejda dyshohet të kenë qenë bashkë në Koloseun e Romës apo edhe në të njëjtin restorant. Në foton e Erikut shihet një vajzë me manikyr neon që i qëndron pranë, ashtu si të Kejdës në foton që ka publikuar.
Postimet i konfirmojnë 100 % dyshimet tona, ndaj po ju lëmë t’u hidhni një sy për ta vërtetuar.
