Në foton e mëposhtme është elektriçisti i cili mbeti i vdekur sot pas kontaktit me energjinë ndërkohë që po punonte për rregullimin e një defekti.
Në foton e mëposhtme shihet trupi i pajetë i Prend Cecas i cili qëndroi për rreth 5 orë mbi shtyllë pas ngjarjes së rëndë për arsye ende të pa shpjeguara qartë nga oraganet kompetente.
Ndërkohë ka reaguar edhe OSHEE e cila ka dalë me një deklaratë publike lidhur me ngjarjen e rëndë të ndodhur sot në Fierzë.
Në deklratë thuhet se agjensia e OSHEE Pukë, është njoftuar për ngjarjen në fjalë rreth orës 16:00 ku drejt vendit të ngjarjes janë nisur ekipet e kësaj koorporate, ndërkohë që më herët bën me dije ajo, është njoftuar edhe Policia e Shtetit.
OSHEE njofton se trupi i viktimës Prend Ceca 34-vjeç ndodhet për ekzaminime të mëtejshme në morgun e spitalit të Bajram Currit për të mësuar shkaqet e vdekjes, ndërkohë që shpreh ngushëllimet për familjen dhe kolegët e të ndjerit.
Deklarata e plotë e OSHEE:
Sot rreth orës 16:00, strukturat e agjencise OSHEE Pukë jane njoftuar nga banorë të fshatit Fierzë se është gjendur i vdekur elektricisti Prend Ceca, 34 vjeç nga Puka.
Elektricisti është gjendur pa shenja jete në shtyllën e fiderit Iballë, pjesë e Nst Gropaj, i cili ndodhet midis Tropojës dhe Pukës.
Ne vendngjarje jane nisur ekipet e OSHEE, ndërsa më herët është njoftuar edhe policia e shtetit.
Trupi i viktimës ndodhet për ekzaminime të mëtejshme në morgun e spitalit të Bajram Currit për të mësuar shkaqet e vdekjes.
OSHEE gjen rastin t’i shprehe ngushellimet me te sinqerta familjes se te ndjerit, kolegeve dhe te afermeve te tij.
