Deputeti demokrat, Edi Paloka, është kthyer të flasë edhe një herë për gjestin e tij në Kuvend, ku i hodhi bojë në fytyrë kryeministrit Edi Rama.
I ftuar në News 24, Paloka tha se nëse Rama nuk do të kishte fyer, atëherë as veprimi i bojës nuk do kishte ardhur. Ndërkohë ai theksoi se e kishte menduar si plan, që edhe mos zbulohej, por edhe të kryente me sukses nxirjen e fytyrës së kryeministrit.
‘Nëse Rama nuk do të fyente siç fyente gjithmonë mund edhe të mos ja bëja atë që i bëra me bojën. Por ai e bëri prapë, ‘bishti qenit ngelet bisht qeni’. Sigurisht që i kisha menduar detajet, edhe që mos më kapnin edhe ti nxija surratin. Diçka i lashë të kuptojë Bashës që unë mund të reagoja’, deklaroi Paloka.
