Atletico është ekipi më i komentuar javën e fundit, që nga fitorja me Juventusin, gjestin e Simones karshi tifozëve juventinë dhe lojtarët që janë në prag largimi apo rinovimi.
Jan Oblak është një ndër portierët më të mirë në botë dhe është prej vitesh në nivele shumë të larta, ku madje disa analistë e cilësojnë si më të mirin momentalisht.
Slloveni ka një kontratë deri në vitin 2021 dhe një klauzolë prej 100 milion euroshe, por Atletico ka filluar që të shqetësohet pasi kërkon që të përfitojë më shumë para nga shitja e tij.
Drejtuesit i kanë bërë gati rinovimin, i cili pritet që të bëhet javën e ardhshme me 10 deri në 12 milion euro në sezon për lojtarin dhe klauzolë 200 milion euro.
Nëse ai nuk rinovon, që është diçka e paimagjinueshme pasi është arritur marrëveshja, PSG është gati që të paguajë klauzolën e tij.
Ky është sezoni i pestë me madrilenët për 26 vjeçari dhe i katërti si titullar i padiskutueshëm.
/Boldnews.al/
