Kryetari i partisë demokratike, Lulzim Basha ka mbledhur mbrëmjen e sotme kryesinë e partisë për të diskutuar për aksionet politike në ditët në vijim.
Burimet bëjnë me dije se gjatë mbledhjes, Basha i ka kërkuar çdo anëtari të nisë punën pasi zgjedhjet mund të jenë së shpejti. Ai u ka kërkuar atyre që të zhvillojnë çdo ditë takime me qytetarët dhe të mos humbasin më kohë.
‘Të bëhet ndërthurja e protestës me shpalosjen e alternativës. Grupi i punës që do të ngrihet për arsimin e lartë, do të jetë për çdo fushë kryesore, për pensionet, për shëndetësinë, për investimet etj. Të nisim punën sepse mund të jemi me zgjedhjet prapa dere. Nuk kemi pse të harxhojmë asnjë minutë’, është shprehur Basha në mbledhjen e kryesisë.
