Ditën e sotme, Gjykata e Shkodrës ka rivlerësuar masën e dhënë për policinë e Gruemirës, Behar Bajrakurti, të shumëprfolur për skandalin seskual me videot intime me minorenet.
Trupi gkylues vendosi për lirimin e policit duke dhënë masën ‘Detyrim Paraqitje’.
Nga verifikimet e kryera prej prokurorisë së Shkodrës, ka rezultuar se Bajrakurti ka filmuar veten në çaste intime me bashkëshorten e tij dhe se nuk qëndron akuza për ngacmim seksual.
HETIMET
Sipas burimeve të prokurorisë, gjatë aktit të ekspertimit të videos së sekuestruar në cilësinë e provës materiale, Berhan Bajrakurti, kryen veprime intime me bashkëshorten e tij në ambjentet e shtëpisë së tij. Gjithmonë sipas aktit të ekspertimit në pamjet filmike nuk duket asnjë vajzë. Lidhur me këtë çështje është marë në pyetje dhe bashkëshortja e Bajrakurtit, e cila ka pranuar se video është krejtësisht intime dhe nuk ka lidhje me akte pedofilie siç është trajtuar në media. Në 14 shkurt 2019, polici Bajrakurti u arrestua nga kolegët e tij në zonën e Malësisë së Madhe, pas skandalit të publikuar në media, dhe la në masën e sigurisë “30 ditë burg” nga Gjykata e Shkodrës. Ai akuzohet se kishte ngacmuar seksualisht një të mitur duke i dërguar video intime.
Seanca gjyqësore u krye me dyer të mbyllura ndërkohë që pranë gjykatës ishin edhe familjarë e të afërm të efektivit të policisë. Vëllai i tij, Afrim Bajrakurtaj ka deklaruar se akuzat janë të pabaza. “Nëse e ka bërë atë gjë ai nuk është vëllai ynë. Video është e montuar nga mediat. Ne kemi tre ditë që nuk dalim jashtë sepse na vjen turp. Ai nuk e ka bërë atë gjë, por nëse ai e ka bërë mos të dalë më nga burgu”, deklaroi vëllai i Berhan Bajrakurtajt për gazetarët jashtë ambjenteve të gjykatës.
Sipas dëshmisë së dhënë disa ditë më parë, polici pranon autorësinë e videos, por jo akuzën për ngacmim seksual. Ndërkohë që policia pretendon se mbi këtë çështje nuk ka marrë asnjë denoncim nga ndonjë banore e zonës, apo nxënëse në Shkodër.
