Ish-ministri i Drejtësisë, Ylli Manjani, ka komentuar sërish ditën e sotme situatën e rëndë politike në të cilën është vendi.
Gjatë fjalës së tij para strukturave të Komitetit Drejtues Kombëtar të LSI, Manjani theksoi se shkaku se pse sot Shqipëria ndodhet në këtë gjendje të keqe, është marrëveshja antikushtetuese e 17 majit, mes Ramës dhe Bashës.
“Pyetja është: Po tani? Shumë mirë që kaluam një marrëveshje me PD-në, kjo është një ngjarje e rëndësishme. Nuk është çështja të iki Edi Rama, se do të vijë një tjetër. Duhet të prishim çbalancimin politik, duhet të kthejmë balancat. Nëse nuk e konceptojmë kështu e kemi gabim. Jemi ne fushate elektorale dhe duhet ta kuptojmë mirë.
Ne kemi një program, nuk mund të fshihemi pas programit të askujt tjetër, por pas programit të LSI-së. Është momenti që të merremi me gjera konkrete. Ka filluar fushata elektorale.”- tha Manjani.
Ndërkohë manjani ka folur edhe për zgjedhjet lokale si dhe qëndrimet pozitive kundrejt kryebashkiakut Erjon Veliaj.
Manjani tha se askush mos shpresojë dhe mos mendojë se Veliaj është më i mirë se Rama, prandaji ai duhet mbajtur larg opozitës.
“Duhet ti japin fund spekulantëve të Erion Velisë se medemek është më i mirë se Rama. Erjonët dhe Edvinët janë andej, nuk kanë punë me ne.”
Manjani gjithashtu foli dhe për deputetin e LSI-së Lefter Koka i cili nuk ka pranuar të djegë mandatin, ku i bëri thirrje të bashkohet me aksionin e opozitës.
“Lefterin e kam shume mik, i bëj thirrje të na bashkohet sepse çdo njeri është i rendësishëm.”- tha ai.
