Dejvi Bregu, lojtari i Skënderbeut është rikthyer në stërvitje pas një dëmtimi që pësoi në shpatull dhe që e çoi drejt operimit, në një ndeshje miqësore përballë Tiranës.
Përpara nisjes së sfidës së Skënderbeut me Tiranën, vlonjati ka folur për mikrofonin e “Supersport” në emisionin “Gol pas Goli”.
Rikuperimi? “Deri tani, ka shkuar mirë. Ka dy javë që stërvitem dhe shpresoj që të luajë sa më shpejt. Do më duhet dhe pak kohë, por me ndihmën e stafit mjekësor do rikthehem në kohën e duhur. Më vjen shumë keq që humbas një muaj e gjysmë nga një miqësore. Më ka rënduar shumë ky dëmtim, por janë gjëra që ndodhin”.
Hapi më tej në Europë? “Unë di të them se kam një muaj e gjysmë jashtë dhe nuk kam asnjë gol me penallti. Shpresoj që kur të kthehem të shënoj gola të rëndësishëm për ekipin dhe pastaj klubi të më ndihmojë të bëj një hap në elitën e futbollit europian”.
Kthimi në fushat e blerta? “Me sa kam folur me doktorët dhe kirurgun, shpresoj të jem në stol në ndeshjen kundër Kukësit, nëse arrijë këtë do të jetë një fitore e madhe për mua”
