Partia Popullore Europiane në Asamblenë Parlamentare të OSBE-së njoftoi se situata në Shqipëri ishte në qender të diskutimeve me Kryetarin e Partisë Denikratike, Lulzim Basha. Duke e cilësuar si shqetësuese situatën e krijuar në Shqipëri, grupi i PPE në OSBE bën të ditur se raportimi i kryetarit Basha ka patur në fokus protestat kundër qeverisë socialiste, korrupsionin, trafikun e drogës dhe zhvillimet jodemokratike në vend.
Në këtë seancë të posaçme dëgjimore morën pjesë edhe anëtarë të Kongresit dhe Senatit amerikan. Mësohet se gjatë qëndrimit disaorësh në Vjenë, Kreu i opozitës ka zhvilluar takime edhe me drejtues të tjerë të institucioneve ndërkombëtare. Qëllimi i këtyre takimeve është shpjegimi i situatës politike në Shqipëri, e cila ka në bazë blerjen e zgjedhjeve nga Kryeministri Rama nëpërmjet krimit të organizuar, siç e provojnë përgjimet e dosjes 339.
Nga ana tjetër përfaqësuesit e PPE shprehën gadishmërinë e tyre për të trajtuar me seriozitetin e duhur situatën politike në Shqipëri. Lidhur me këtë takim Lulzim Basha ka njoftuar edhe përmes rrjetit social Tëitter ku ka shpjeguar arsyen e kësaj vizite.
“Me përfaqësues dhe grupe të interesit nga PPE dhe përfaqësues të OSCE, si i ftuar special ku diskutuam për protestat kundra qeverisë , korrupsionin, trafikun e drogës dhe zhvillimet aspak demokratike,” shkruan Basha në statusin e tij.
