Ka nisur protesta e thirrur nga opozita para parlamentit.
Qytetarë të shumtë, që sa vijnë e shtohen, janë vendosur në sheshin para parlamentit. “Rama ik, e duam Shqipërinë pa Edi Ramën”, janë disa nga thirrjet e lëshuara nga protestuesit.
Në një prononcim për gazetarët nga selia e PD para nisjes së protestës, kreu i PD-së tha se protesta do të sjellë largimin e Ramnës. “Parlamenti në mënyrë antikushtetuese dhe antiligjore i ka mbyllur dyert, sepse nuk është më parlament dhe qeveria, për sot, është larguar. Ne, përmes bashkimit qytetar, do të bëjmë të mundur që këto dy ngjarje të rëndësishme sot: mbyllja e parlamentit dhe rrethimi me tela me gjemba ushtarakë dhe largimi i Edi Ramës të mos jenë ngjarje e vetëm një dite, por të kthehen shumë shpejt në zgjidhjen politike dhe t’i hapin rrugë zgjedhjeve të lira e të ndershme, një parlamenti nga populli, me popullin dhe për popullin”, tha Basha për gazetaret nga selia e PD-së.
https://streamable.com/nsyq1
