Kryeministri Edi Rama mbajti një konferencë të gjatë mbrëmjen e sotme, ku për 35 minuta me radhë nuk tha asgjë tjetër veç retorikës së zakonshme të tij, atë që fajin e ‘Saliu’.
Edhe pse foli gjatë dhe në nisje të fjalimit të tij dëgjuam se ai nuk është i pikuar nga qielli, dhe se ka bërë plot gabime, pjesa tjetër e fjalimit ishte ajo që kemi këtu e 6 vjet me radhë që e dëgjojmë përditë, se fajin në këtë vend e ka opozita.
Edhe mbrëmjen e sotme Rama nuk nguroi të drejtojë gishtin nga opozitarët dhe mbështetësit e tyre. Për Ramën fajin për keqqeverisjen e mazhorancës e ka opozita, për mospërmbushjen e standardeve të vendosura nga BE sërish fajin e ka opozita, por edhe për publikimin e videopërgjimeve për vjedhje votash dhe bashkëpunim me krimin e organizuar të zyrtarëve të lartë të Rilindjes, sërish fajin e ka opozita.
Madje Edi Rama drejtoi sërish gishtin sot drejt Zërit të Amerikës, të cilën e konsideroi njëlloj fajtore për denoncimin e fakteve për vjedhjen e votave në Shqipëri.
U deshën plotë 35 minuta, dhe me një zë që i dridhej, që Edi Rama të bënte një përmbledhje të të gjithë fjalimeve dhe retorikës së tij të bërë në media në 6 vite qeverisje. /Boldnews.
