Maxhoranca duket se ka gjetur një tjetër mënyrë të moderuar për të bojkotuar protestën e opozitës apo transmetuar sa më pak informacion në kohë reale.
Sipas burimeve që vijnë nga gazetarët që ndjekin rrjedhën e protestës në terren, gjithnjë e më shumë kanë hasur problem me linjat telefonike.
Ndërkohë që një fenomen të tillë aprovohet edhe nga punonjës të Kuvendit të cilët nuk kanë më sinjale telefonik. Thuajse e gjithë zona që rrethon Parlamentin e vendit është kthyer në një zonë me sinjal të dobët.
Njoftimi lidhur me këtë incident ka ardhu edhe nga zyra e shtypit të PD-së :
“AKEP urdhëron ndërprerjen e paligjshme te sinjalit te gjithe operatoreve te telefonisë celulare ne te gjithë bulevardin, perfshire zonen e protestes dhe perreth Partise Demokratike”, njoftoi PD.
NJOFTIM SHTYPI
Autoriteti i Komunikimeve Elektronike dhe Postare njofton qytetaret se me kërkesën e Drejtorisë së Përgjithshme të Policisë së Shtetit, me qëllim marrjen të masave për zbatimin e detyrimeve që kanë të bëjnë me mbrojtjen e interesave të vendit dhe të sigurisë publike, ka udhëzuar operatorët celulare të bëjnë ndërpreje të shërbimeve të komunikimeve elektronike në disa zona të Tiranës, nga ora 11.00 deri në orën 16.00 të datës 21 shkurt 2019.
AKEP ka vepruar në zbatim të Ligjit 9918/2008, “Për komunikimet elektronike në RSH”, i cili autorizon bllokimin e shërbimeve per nevoja te sigurisë publike.
AKEP ju kërkon ndjesë qytetarëve lidhur me kufizimet e përkohëshme të shërbimeve dhe shpreson qe situata të tilla të mos jenë të nevojshme në të ardhmen.
