Kryetarja e Lëvizjes Socialiste për Integrim, ka zbuluar një sekret të madh mbrëmjen e sotme, lidhur me informacionin e gabuar që ju ishte dhënë amerikanëve për protestën e 16 shkurtit.
Ajo tha se gjatë bisedës që kishte patur me zv.ndihmës Sekretarin e Shtetit të SHBA, Mathew Palmer, ka mësuar se amerikanët kujtonin se ishte shembur kryeministria.
“I kam thënë zotit Palmer, se Shqipëria është shndërruar në një vend ku lulëzon krimi i organizuar, është lavatrice e parave të drogës. I shpjegova që qeveria ka ardhur në pushtet me vota të blera dhe janë përgjimet e prokurorisë që e vërtetojnë. Zoti Palmer tha; ‘të kuptoj shumë mirë, vetëm protesta të jetë paqësore nesër. Për mosdjegien e mandateve, ma kërkoi por unë i thash është mbyllur si proces. Zoti Palmer nuk e dinte se ishte prishur vetëm kërpudha në kryeministri, kujtonte se ishte shembur vetëm kërpudha. Nuk e dinte se ishte përdorur helme luftareke nga qeveria, por mendonin se i hodhën protestuesit”, u shpreh Kryemadhi.
