Deputeti demokrat Aldo Bumçi, deklaroi në emisionin ;Opinion; se fundi i pranverës do të jetë dhe fundi i Edi Ramës.
Ai tha se bashkë me shqiptarët do të rrëzojmë Edi Ramën dhe se zgjedhjet e ardhshme do të bëhen pa Ramën kryeministër.
‘Sot ne i themi shqiptarëve që një Shqipëri tjetër është krejtësisht e mundur. Nuk ka pse të paguajmë çmimin për energjinë në rajon, nuk kemi pse paguajmë çmimin më të shtrenjtë të naftës. BB thotë në raportin e saj se politika e Edi Ramës ka goditur shtresën e varfër. Shqiptarët e kanë vrarë frikën, nuk duhet ta kenë më frikë Edi Ramën. Ne ofrojmë shpresën. Njerëzit dolën në protestë jo vetëm nga urrejtja për Ramën por edhe për shpresën që ju është ofruar. Në 3 javë Basha u foli për ofertën ekonomike, për rritjen e ekonomisë. Do ta zgjidhim ne shqiptarët. Shqiptarët që dolën ditën e shtunë ju përgjigjën një programi 3 javor të Lulzim Bashës. Bashkë me shqiptarët ne do të rrëzojmë Edi Ramën. Rama do të largohet si Gruevski, si presidenti i Armenisë, që u rrëzua nga 3 javë protesta. Unë mendoj që maksimumi fundi i pranverës e gjen këtë pa Edi Ramën. Pranvera do të vijë ndryshe për Edi Ramën’, deklaroi Bumçi.
