Një ditë pasi dorëzoi mandatin e deputetit, ish-kryeministrit Sali Berisha i është hequr mbrojtja fizike nga Garda e Republikës për shkak të skadimit të afateve ligjore.
Mësohet se pas vendimit për heqjen e mbrojtjes nga garda, dy-ish gardistët që mbronin Berishën kanë dhënë dorëheqjen nga Garda e Republikës dhe vijojnë të mbrojnë ish-kryeministrin.
Heqjen e mbrojtjes ndaj tij në këtë moment, Berisha e quajti “një gjest frikacaku dhe hakmarrësi i Ramës”.
“Ndihem më i fortë dhe më i motivuar se kurrë. Një gjest frikacak dhe hakmarrës i Edi Ramës por unë jam mes qytetarëve më i fortë se kudo tjetër. Do të vazhdoj çdo minutë, çdo orë, çdo javë, çdo muaj betejën deri në çmontimin e narkoshtetit në Shqipëri derisa shqiptarët të votojnë të lirë siç u takojnë”, tha Berisha në një prononcim për gazetarët.
