Studentët e Fakultetit të Ekonomisë, kanë denoncuar një tjetër mashtrim të qeverisë. Fill pas rikthimit të tyre në auditoret e fakluteteve ata janë përballu me mashtrimin e rradhës. Shuma e akorduar për to lidhur me plotësimin e një prej pikave që konsistonte në dhënien e bursave për studentët ekseletë , nuk ekziston më. Është zhdukur si me magji dhe askush nga administrata e universiteteve nuk ka një shpjegim as zyrtar e as nga koridoret e shkollave.
Studentët me të drejtë kërkojnë të marrin një përgjigje konkrete lidhur me përfitimin e shumës së premtuar nga Kryeministri, por në fakultet askush nuk i kthen përgjigje. Ata ankohen se prej dy muajsh në llogarinë e tyre nuk është hedhur asnjë qindarkë edhe pse qeveria deklaroi me përgjegjësi të plotë se pas dialogut me studentët dhe Paktin për Universitetin, paratë e tyre do ishin në llogari fill sapo të riktheheshin në fakultet.
“U bë kohë që kemi dorëzuar të gjitha dokumentet që na u kërkuan nga sekretaria mësimore, qoftë për bursën mujore të shkollimit, qoftë për përjashtimin nga tarifa. Për këtë të fundit nuk kemi asnjë lajm nëse jemi pranuar, ndërsa për të parën, që është e verifikueshme, nuk ka ende asgjë në bankë”, shprehet një studente e Fakultetit të Shkencave Sociale. Shqetësim të njëjtë me të ndajnë dhe shokët e saj brenda të njëjtit fakultet, por jo vetëm. “Po na hallakatin shumë.
Për “Neës 24”, administratorja e fakultetit, Parashqevi Pogace, thotë se është në pritje të një sqarimi specifik nga ana juridike nga Ministria e Arsimit dhe administratori i Universitetit të Tiranës, i cili duhet të zgjidhë ngërçin e krijuar.
Nën zë, administratorë të fakulteteve të tjera pohojnë se ky problem është krijuar për shkak të mosfrekuentimit të mësimit përgjatë muajit dhjetor dhe janar.
