Granit Shehu, i shpallur në kërkim nga autoritet shqiptare për një vrasje të ndodhur më shtator 2015 në Kamzë, është vënë në pranga në Britani.
35-vjeçari nga Kukësi është arrestuar ditën e djeshme në qytezën Slough dhe më 26 shkurt pritet të dalë para gjykatës në Westminster, raportojnë mediat lokale. Gjykata britanike pritet të vendosë për ekstradimin e Shehut në Shqipëri.
Në Gusht, policia britanike njoftonte se kishte dyshime që Shehu fshihej në Britani.
NGJARJA NË 2015
Më 16 shtator të 2015, ai ka vrarë me thikë djalin e xhaxhait, Milazim Shehu dhe u dënua me burgim të përjetshëm. Viktimën e ka qëlluar plot 12 herë tek dera e shtëpisë së këtij të fundit, duke e lënë të vdekur.
Si shkak sipas hetimit të prokurorisë ka shërbyer, një pretendim i autorit të krimit Granit Shehu se vajza e të ndjerit, i kishte vjedhur në banesë një sasi prej 12 mijë lekësh të reja.
Një pretendim i tillë, nuk është pranuar nga Milazim Shehu, ndërsa të dy ata janë konfliktuar mes tyre. /Boldnews.al/
