Mungesa e unazës së fejesës në koncertin e Pavarsisë së Kosovës bëri që të gjithë të dyshojnë për marrëdhënien e këngëtares Elvana Gjata me të fejuarine saj Ervin Mata, pas vrasjes së ndodhur në ish-Bllok ku ky i fundit mbeti i përfshirë.
Këngëtarja u rikthye fuqishëm pas një shkëputjeje të gjatë nga skena dhe rrjetet sociale dhe të gjithë i kishin sytë te unaza, mungesa e të cilës u komentua gjatë në mediat rozë.
Por pavarësisht dyshimeve, këngëtarja vijon të jetë e fejuar me Ervinin dhe kjo duket qartë në një foto të publikuar nga “INtv” që është shkrepur disa ditë më parë gjatë provave të koncertit.
Në foton ku Elvana shihet e ulur përtokë me mikrofon në dorë, shfaqet unaza me gurin e madh që shkëlqen.
Gjithashtu, burime për “Iconstyle.al” kanë konfirmuar se Elvana vijon të jetë e fejuar me Ervinin dhe se mungesa e unazës gjatë koncertit për 11-vjetorin e pavarësisë së Kosovës, nuk do të thotë asgjë për prishjen e raportit mes tyre.
