Prokuroria e Tiranës ka kërkuar masën e arrestit me burg për 14 prej të arrestuarve në protestën e opozitës më datë 16 shkurt 2019. Ndërkohë që për 5 të tjerë është kërkuar detyrim paraqitje.
Më saktësisht është kërkuar ‘Arrest shtëpie’ për 4 nga të arrestuarit dhe ‘Detyrim paraqitje’ për një tjetër. Edhe pse vendimi zyrtar do të merret ditën e sotme në orën 15.00 avokati i protestuesve në një daklaratë për mediat theksoi se kjo është kejtësisht në kundërshtim me ligjin.
“Prokuroria ka dyshuar dhe nuk solli asnjë provë të vetme për të vërtetuar akuzat ndaj të arrestuarve,’ u shpreh avokati Ivi Kaso.
Ai gjithashtu shtoi se ‘do të kërkohet procedim penal për drejtorin e Policisë, pasi ai ka falsifikuar dokumentat sepse nuk ka pasur asnjë dokument që lejonkontrollin e banesës së Florenc Hoxhës’.
Të arrestuarit akuzohen për veprat penale “Kundërshtimi i punonjësit të policisë së rendit publik”, “Goditje për shkak të detyrës”, “Shkatërrimi i pronës” dhe “Prishja e qetësisë publike”.
