Nga Boldnews.al
Si një njohës i përciptë i zhvillimeve në vend dhe ato ndërkombëtare, kryeministri Edi Rama vendosi ta ndajë në Pukë “shqetësimin” se vendi rrezikon të mos marrë negociatat si vend kandidat për në BE qershorin e këtij viti dhe për të faji është i opozitës, që e ka nxirë realitetin e “badhë” shqiptar.
Në qeverisjen e parë 2013-2017 kryeministri e gjente lehtësisht fajtorin për atë çfarë nuk shkonte në vend, ishte pikërisht “ndarja e tepsisë” me aleatët, LSI dhe PDIU. Mjeshtrinë për të hedhur tymnajë nuk mund tia mohojë kush kreut të qeverisë, por faktet çedojnë kur vjen çështja se armikun e vendit e sheh nga opozita.
“Ata që shihni ju kanë eksportuar në të gjithë europën imazhe skandaloze të vandalizmit mbi godinën e qeverisë. Janë kthyer në pengesë për hapjen e negociatave. Në një rrugë që është e njohur për të gjithë, sa herë afrohen zgjedhjet ata ia fillojnë këtij avazi sepse nuk fitojnë dot zgjedhjet”-deklaroi Rama nga Puka.
Nëse fjala vjen për nxirjen e imazhit, ndërkombëtarët e lodhur nga politika jonë por edhe bashkëfajtorë që kanë mbështetur pa kushte çdo qeveri, i kanë i tregojnë ende si “barsoleta me politikanë shqiptarë” bëmat e Erion Veliajt.
Në vitin 2011, pak javë pasi Elvis Roshi ishte zgjedhur kryetar i Bashkisë Kavajë, bashkëjetuesja e tij Griselda, shpiku një nga trillet e bujshme që edhe skenaristët e filmave horror në Hollivud do e kishin zili. Ajo pretendonte se kishte qenë shtazënë dhe persona të panjohur e rrëmbyen dhe detyruan të abortojë, por ky pretendim i vërtetuar që nuk ishte i vërtetë u kthye në kauz për 48 orë nga histeria e opozitës së asaj kohe, Partisë Socialiste.
Kush me mirë se Erion Veliaj mund ta nxinte Shqipërinë në arenën ndërkombëtare! “Miq… Një lajm i trishtuar na ka shokuar të gjithëve ne në PS. Natën e kaluar, gruaja shtatzënë e kryetarit të sapozgjedhur të Bashkisë së Kavajës, Elvis Roshi, u rrëmbye në një qendër tregtare në Tiranë. Pasi është keqtrajtuar barbarisht nga rrëmbyesit, ajo është dërguar në një vend të panjohur, ku i kanë hequr fëmijën. Në orën 4 të mëngjesit, e mbuluar nga gjaku, znj. Roshi është lënë afër shtëpisë së saj në Kavajë (50 kilometra larg kreqytetit). Nuk ka ende ndonjë njoftim nga policia. Kavaja ka qenë zona elektorale ku është zgjedhur Berisha deputet për 20 vjet”… Kjo është një pjesë e email-it që Erion Veliaj u dërgonte disa deputetëve të Bashkimit Europin në vitin 2011.
Dhe akuzat vijonin dhe thelloheshin edhe më shumë nga PS në atë kohë në opozitë sa herë Shqipëria përballej me sfida si liberalizimi i vizave, futja e Shqipërisë në NATO dhe proceset e tjera të integrimit në BE.
