Nëpërmjet një statusi në rrjetet social deputeti i Partisë Demokratike, Luçiano Boçi ka folur lidhur me ngjarjet e fundit politike që po ndodhin në vend. Në një situatë të till politike ku opozita ka djegur mandatet dhe mazhoranca nuk ndërmerr asnjë hap Boçi ka shkuar “Përtej Mandateve” si e quan ai.
Ai bën një sqarim të shkurtër dhe thotë se : Mandati nuk është person.
Mandati është vullnet politik i zgjedhësit dhe shpreh mbështetje për ide e vizione politike.
Postimi i Boçit
PËRTEJ MANDATEVE
Ka shumë debat se si shkon puna me mandatet që janë në lista.
Një debat shterpë që stimulohet kinse nga ato që duan të mbajnë me gajret njerëzit e të gënjejnë demokracinë.
Mandati nuk është person.
Mandati është vullnet politik i zgjedhësit dhe shpreh mbështetje për ide e vizione politike.
Kur vullneti është i deformuar, për shkak të grabitjes, vjedhjes, blerjes ai nuk ka vlerë. Nuk ka as emër e as parti më. Ai digjet sepse ka djegur demokracinë, parlamentarizmin, të ardhmen.
Pas djegies vjen hiri. E pas tij dëshira e përkushtimi për të ndërtuar jetën dhe të mirën.
Kufomat politike që varen sot në mandate të deformuara, që ecin somnambul e që kafshojnë ç’të gjejnë përpara, janë zombit e fundit të epokës parapolitike
