Vizita e Ramës në qytetin e Pukës ditën e sotme është shtyrë me disa orë. Shkak për këtë është bërë protesta e pa paralajmëruar e banorëve të Lezhës, të cilët vendosën t’i bënin Kryeministrit pritë.
Pas bllokimit të rrugës nga banorët e Lezhës (lexo këtu), kryeministri Rama është detyruar të devijojë në rrugë të tjera alternative duke shmnagur përballjen me banorët e Lezhës.
Lidhur me këtë vendim ka reaguar edhe ish-deputetja e PD-së, Lindita Metaliaj , e cila e konsideron një akt prej frikacaku.
Deklarata e deputetes:
‘’Hajduti dhe mashtruesi ka devijuar rrugën duke u future nëpër fshatra për të mos u përballur me qytetarët’’.
Kjo është protesta e parë, që pason atë të 16 shkurtit, kur protestuesit e thërritur nga opozita e bashkuar qëndruan mbi 5 orë para zyrës së Ramës me thirrje për largimin e tij.
Nga ana tjetër të gjithë deputetët e opozitës kanë vendosur që të djegin mandatet e tyre, duke thënë se prania në Kuvendin e kapur nga krimi duhet të marrë fund.
