Kreu i opozitës Lulzim Basha, ka deklaruar pas mbledhjes së këshillit Kombëtar, se deputetët demokratë do të dorëzojnë nesër mandatet.
I pyetur nga gazetarët për deklaratën e ambasadës amerikane, Basha tha se SHBA mbetet një frymëzim për të, por djegia e mandateve është alternativa e vetme e PD për të rikthyer besimin tek qytetarët dhe të për të rrëzuar krimin në pushtet.
‘Unë nuk komentoj kurrë asnjë deklaratë të përfaqësive të huaja në Tiranë, por dua tu them fare qartë, për PD nuk ka frymëzim më të madh se sa SHBA-të dhe demokracia amerikane, në veçanti presidenti Linkoln. Djegia e mandateve është treguesi i fundit që i është lënë opozitës. Që të shembim një qeveri të krimit, le ti japim shqiptarëve një qeveri të njerëzve nga njerëzit dhe për njerëzit. Ne nuk po kërkojmë të marrim mandate me ndihmën e krimit siç ka bërë Rama, ne po japim. Presidenti Linkoln: Shpresojmë që kjo sakrificë mos shkojë kot. Ky komb nën një zot do të ketë një lindje të re të demokracisë. Qeverisja nga njerëzit dhe për njerëzit nuk do të shuhet kurrë’, tha Basha.
