Sot ka qenë seanca e radhes e gjyqit pas denoncimit të bërë nga pedagogia Ilirjana Kuçana ndaj gazetarit Mero Baze, pasi ky i fundit e akuzoi atë në media se po shpërndante para për studentët.
Pedagogia Iliriana Kuçana, e paditi Bazen me akuzën për shpifje.
Gazetarin Mero Baze, publikoi në median që drejton, lajmin se pedagogia u shpërndante para studentëve protestues. Lidhur me këtë, pedagogia Kuçani ka depozituar sot dy padi në Gjykatën e Tiranës, ku kërkon kryerjen e të gjitha procedurave ndaj gazetarit si dhe dëmshpërblim për cënimin e nderit dhe dinjitetit të personit.
“Pas kallëzimit në Prokurori sot kam bërë padi në Gjykatën e Shkallës së parë Tiranë, për dëmshpërblim moral për Mero Bazen. Kam kërkuar dëmshpërblim aq sa paguhet bursa e djalit të Mero Bazes nga taksat tona. Parat e fituara nga gjyqi do t’i kaloj për konviktet”, ka thënë ndër të tjera në një prononcim të para pak ditëve akademikja.
Ndërsa sot ishte caktuar dita e gjyqit dhe gazetari nuk është paraqitur.
Ndërkohe, që gjyqtarja ka thënë se nëse nuk vjen herën tjetër do të shoqërohet me policë.
Ndërkohë disa studentë janë mbledhur para gjykatës duke mbajtur në duar edhe pankarta të ndryshme në të cilat shkruhej.
“Si Mero mos mu bëftë as qeni i shtëpisë”;
“Zysha nuk shpërndan para dhe as nuk merr para”;
“Dajaku i tepërt me ka dëmtuar trurin që i vogël, cit. Mero Baze”.
