Armando Sulejmani, i njohur edhe me nofkën “Çipuri”, është arrestuar nga Policia e Vlorës një ditë pas atentatit në zonën e Ujit të Ftohtë ku mbeti i plagosur.
Bëhet me dije se Armando Sulejmani, i cili mbeti i plagosur, akuzohet për armëmbajtje pa leje.
“Në vijim të veprimeve hetimore në lidhje me ngjarjen e djeshme, policia ka arrestuar në flagrancë 43 vjeçarin A.S., për veprën penale ‘Mbajtja pa leje dhe prodhimi i armëve, armëve shpërthyese dhe municioneve’. Po punohet për zbulimin dhe kapjen e autorëve.mPër arsye hetimi nuk japim detaje të tjera”, njoftoi Policia.
Atentati
Atentati ndodhi në orët e mesditës. Sipas policisë viktimat janë qëlluar ndërsa po udhëtonin me makinën e tyre. Viktima janë identifikuar si Arjan Hasani dhe Orest Rexho. Ky i fundit mësohet se është pronar i një lokali në lagjen “24 Maji” e njohur ndryshe si lagjja “Çole”. Orest Rexho është gjithashtu kunati i Armando Sulejmanit, që mbeti i plagosur.
Raportohet se makinës në pronësi të Arjan Hasanit i është prerë rruga 200 metra para se të dilte në rrugë kryesore dhe është qëlluar me armë ndaj tyre. I plagosuri Armando Sulejmani është transportuar në spitalin e Vlorës për ndihmë mjekësore.
Policia bëri me dije se ai ka marrë dy plumba, një në krah dhe një në këmbë, por ndodhet jashtë rrezikut për jetën. Forcat policore kanë ngritur postoblloqe në disa pika kryesore të qytetit për kapjen e autorëve.
Atentatorët janë larguar më pas mes zonave të banuara dhe policia njoftoi se ka gjetur një makinë të djegur në Babicë. Viktimat janë të njohur për policinë. Një prej tyre dyshohet i përfshirë më kultivimin dhe trafikimin e kanabisit. I plagosuri, Armando Sulejmani, ka qenë edhe më herët shenjestër e një atentati. Ai u plagos në vitin 2016, pas një sulmi me armë pranë shtëpisë së tij.
Armando Sulejmani i njohur edhe si “Çipuri” dyshohet se ishte shënjestra e atentatit.
*Vrasja mafioze në Vlorë, dëshmia e “Çipurit”: Prej autorëve…
*Nga “masakra e Çoles”, tek vrasja e Edison Harizaj, zinxhiri i atentateve të përgjakshme në Vlorë
*Skandali/ Ekzekutimet mafioze në Vlorë, për të eliminuar dëshmitarët!
